ჟოზე მოურინიოს მადრიდის "რეალში” მოსვლამ, დიდი ქაოსი გამოიწვია კატალონიის "ბარსელონას” ბანაკში. მათ სჯერავთ, რომ პორტუგალიელი სპეციალისტის მოსვლით მადრიდული გრანდი მე-10 ჩემპიონთა ლიგის თასს მოიგებს.

კატალონიურმა ყოველდღიურმა გამოცემა "El Mundo Deportivo”-მ გამოკითხვა ჩაატარა, რომელ სტადიამდე მიაღწევს "რეალი” ჩემპიონთა ლიგაზე.

გამოკითხულთა აზრი კატალონიელთა საწინააღმდეგოდ მოქმედებს.

11% თვლის, რომ "რეალი” გადალახავს ჯგუფურ ეტაპს, 25% ფიქრობს, რომ "ბლანკოსი” 1/8 ფინალში გავა.

ამასთან ერთად, 15%-ს მიაჩნია, რომ "სამეფო კლუბი” ფინალამდე მივა. 8% თვლის, რომ "რეალი” 1/2 ფინალამდე მიაღწევს. 5% კი ფიქრობს, რომ მადრიდული გიგანტი ფინალში ითამაშებს.

გამოკითხვის ყველაზე დიდი სიურპრიზი ის იყო, რომ გამოკითხულთა 36%-ის აზრით, "რეალი” მოიგებს მეათე ჩემპიონთა ლიგის თასს.