წლევანდელ სატრანსფერო ბაზარზე საკმაოდ ბევრი კლუბი აქტიურობდა და ცდილობდა გაძლიერებას, მაგრამ ყველაზე მეტი თანხა ტრანსფერებში "მანჩესტერ სიტიმ” დახარჯა და ლიდერობს კიდეც რეიტინგს. მეორე ადგილზე მადრიდის "რეალია”.

ინგლისურმა კლუბმა სატრანსფერო ბაზარზე 153.45 მლნ. ევრო დახარჯა. "სამეფო კლუბმა” ახალ შენაძენებში მთლიანად 81 მლნ. ევრო გადაიხადა. მესამე ადგილზეა კატალონიური "ბარსელონა”, რომელმაც ჯიბე 71 მლნ. ევროთი შეითხელა. მეოთხე ადგილს დასჯერდა ტურინის "იუვენტუსი”. "ბებერმა სენიორამ” ტრანსფერებში 55.3 მლნ. ევრო გაიღო. მეხუთე ადგილს, რაც არ უნდა გასაკვირი იყოს, ყაზანის "რუბინი” იკავებს. რუსეთის პრემიერლიგის კლუბმა ახალწვეულებში 43.1 მლნ. ევრო დახარჯა.